De plü dac

D’atri dac, d’atres informaziuns y d’atri documënc, che l'Aministraziun provinziala n’á nia le dovëi da publiché aladô dles desposiziuns varëntes y che ne pó nia gní assoziades a öna dles sotseziuns dades dant dessura:

Informaziuns y comunicaziuns por garantí l'eserzize di dërc sön sü dac personai dla porsona interessada

Pian ia dai 25 de ma dl 2018 pó vigni porsona interessada ti rové pormez te vigni momënt sön domanda a sü dac aladô dl Regolamënt sön la proteziun di dac personai 2016/679 (dessot RGPD); sce ara i arata falá o nia complec póra damané che ai vëgnes mudá o integrá; ara pó damané che ai ne vëgnes nia laurá fora, che ai vëgnes cancelá o che al vëgnes limité l'elaboraziun tan inant che al é preodü dala lege. Tl ultimo caje pó i dac personai cun n'elaboraziun limitada, stlüt fora la conservaziun, ma gní laurá fora cun l'autorisaziun dla porsona che fej domanda por l’eserzize iudiziar de n dërt dl titolar, por la proteziun di dërc de terzi o por rajuns de gran interes publich (artt. 12 y da 15 a 22 dl RGPD).

Da che jí:
Les porsones interessades damana le diretur/la direturia pro tempore dl Departimënt/dla Repartiziun/dl Ufize che á la responsabilité por i prozedimënc aministratifs, da eserzité i dërc sön sü dac personai. Tl caje de domandes generiches se crüzia l’Ufize Cuestions istituzioneles y linguistiches da ti les ortié inant a dötes les strotöres organisatives provinziales, che ti respognará diretamënter ales porsones interessades.

Ufize Cuestions istituzioneles y linguistiches dl’Aministraziun provinziala
Diretëur d'ufize Andrea Tezzele
Palaz provinzial 1, Plaza Silvius Magnago 1
39100 Balsan
Tel.+39 0471 41 20 90
Fax +39 0471 41 20 98
PEC: zentraledienste.servizicentrali@pec.prov.bz.it
E-Mail: affari.istituzionali@provincia.bz.it

Al ne vëgn nia tut sö domandes a usc. L’eserzize di dërc dessura é de regola debann. Sce la porsona che fej domanda se damana cosses zënza fondamënta o demassa, dantadöt ajache ara le fej tres indô, pó l’Aministraziun se fá paié n contribut por les spëises adaté, tignin cunt di cosć aministratifs sostignis por forní les informaziuns o fá ci che vëgn damané.

Formular por fá domanda:
Domanda da eserzité i dërc sön i dac personai

Recurs:
La porsona interessada pó dé jö na retlamaziun pro le Garant por la proteziun di dac o fá recurs pro l’autorité iurisdizionala, sce ara ne ciafa nia na resposta te 30 dis da canche ara á dé jö la domanda, ater co sce le termin vëgn arlungé cun motivaziun cina a 60 dis por rajuns liades ala complessité dla domanda o ajache al é tan de domandes.

Responsabl dla Proteziun di Dac dl'Aministraziun provinziala

Dott. Andrea Avanzo (Compliance Consulting Srl)
rpd@provincia.bz.it
dsb_dsb@pec.prov.bz.it